Një 51-vjeçar italian, i shpallur në kërkim ndërkombëtar nga autoritetet venezueliane, u arrestua në Portin e Durrësit, me qëllim ekstradimin e tij në Venezuelë.
51-vjeçari Antonio Goffredi, banues në Itali, po përpiqej të udhëtonte nga Durrësi me traget drejt Italisë.
Si rezultat, ai u ndalua në tentativë për të dalë nga Shqipëria dhe u arrestua.
Ky shtetas ishte shpallur në kërkim nga Interpol Caracas, pasi Gjykata e Caracas i kishte caktuar në vitin 2017 me masën e sigurisë “Arrest në burg” për veprën penale “Mashtrimi”, sipas Kodit Penal të Venezuelës.
“Kapet nga Policia Kufitare dhe arrestohet me qëllim ekstradimin në Venezuelë, një 51-vjeçar i shpallur në kërkim ndërkombëtar.
Vihet në pranga shtetasi në kërkim Antonio Goffredo.
Shërbimet e Policisë Kufitare në Portin e Durrësit, bazuar në informacionet e siguruara nga inteligjenca policore se një shtetas në kërkim ndërkombëtar do të udhëtonte drejt Italisë, kanë intensifikuar kontrollet për kapjen e tij.
Si rezultat, u kap në tentativë për të dalë nga Shqipëria dhe u arrestua me qëllim ekstradimin, shtetasi italian A. G., 51 vjeç, banues në Itali.
Ky shtetas ishte shpallur në kërkim ndërkombëtar nga Interpol Caracas, pasi Gjykata e Caracas, në vitin 2017, i ka caktuar masën e sigurisë “Arrest në burg”, për veprën penale “Mashtrimi”, parashikuar nga Kodi Penal i Venezuelës”,-njoftoi policia.
Interpol Tirana vijon bashkëpunimin me Interpol Caracas, për ta ekstraduar këtë shtetas, në Venezuelë.
