Është zbuluar emri i njërit prej personave të arrestuar nga megaoperacioni i zhvilluar ditën e sotme.
Sipas “News24”, një nga të arrestuarit e sotëm është Hysni Ndreu, oficer policie.
Sot u raportua se janë lëshuar 27 urdhër-arreste të nxjerra nga prokuroria e Elbasanit, ndërkohë deri në këto momente mësohet se janë ekzekutuar gati gjysma e tyre.
Hetimi ka nisur nga SHKBB që në vitin 2020 dhe është shtrirë në disa burgje dhe në disa qytete. Të përfshirë në këtë operacion janë të dënuar, efektivë rendi dhe policisë së burgjeve.
Është bërë e ditur se këta zyrtarë lejonin lojëra fati në institucionet e vuajtjes së dënimit si dhe hyrjen e sendeve të paligjshme dhe drogës.
Urdhër arrestet janë dhënë për veprat penale, “Shpërdorim detyre”, “Korrupsion dhe ushtrim i ndikimit të paligjshëm”.
