Një 21-vjeçar që posedonte armë zjarri është arrestuar ditën e sotme. Policia bën me dije se është vënë në pranga Alket Hima, pasi gjatë kontrollit në banesë i është gjetur një armë zjarri kallashnikov dhe 1430 fishekë luftarakë.
“Shërbimet e Komisariatit të Policisë Kuçovë, në vijim të punës për rritjen e parametrave të sigurisë, si rezultat i kontrolleve intensive për kapjen e personave që posedojnë armë zjarri apo sende të kundërligjshme, bazuar dhe në informacionet e marra në rrugë operative, gjatë kontrollit të ushtruar në banesën e shtetasit Alket Hima 21 vjeç, banues në fshatin Tapi, Kuçovë, gjetën dhe sekuestruan në cilësinë e provës materiale një armë zjarri kallashnikov dhe 1430 fishekë luftarak model 56”, njofton policia.
Në përfundim të veprimeve të para hetimore, u arrestua në flagrancë 21-vjeçarin, për veprën penale “Armëmbajtja pa leje” dhe materialet i kaluan Prokurorisë së Rrethit Gjyqësor Berat, për veprime të mëtejshme./Opinion.al
