Policia italiane ka vënë në pranga një 36-vjeçar pasi është kapur me 25 kg drogë mes tyre heroinë dhe kokainë.
Lajmi bëhet i ditur nga mediat italiane sipas të cilave në pranga ka rënë shqiptari Orges Grembi.
Sipas mediave italiane ai është arrestuar në Torino, ku gjatë kontrollit të ushtruar në automjetin e tij tip Alfa, u zbuluan dhe sekuestruan 20 kg marijuanë, 2 kg heroinë, 3 kokainë dhe 2 kg substancë të tjera drogë të pastër.
Nga hetimet e kryera rezulton se shqiptari, me precedentë të mëparshëm penal, është ‘koka’ e një grupi trafiku droge.
Po ashtu raportohet se vlera e drogës nëse do të dilte në treg shkonte në 300 mijë euro, ndërsa ajo ishte bërë gati për shitje.
