Të tjera detaje janë zbardhur në lidhje me ngjarjen e ndodhur pasditen e sotme në Tiranë, ku një person ka qëlluar me armë zjarri në zonën e Kombinatit.
Mësohet se ngjarja ka ndodhur rreth orës 15:10, ku 25-vjeçari Ronaldo Gurabardhi ka shkuar pranë banesës së Artur Korteshit në rrugën “Shaban Bardhoshi” dhe ka qëlluar me armë në ajër.
Pasi ka qëlluar me armë Gurabardhi është larguar me shpejtësi me një automjet. Bëhet me dije se Korteshi një ditë më parë është konfliktuar me vëllain e autorit.
Korteshi ështe person i skeduar nga Policia e shtetit, pasi është i përfshirë në ngjarje kriminale. Ndërkohë, autoritetet po punojnë zbardhjen e plotë të rrethanave të ngjarjes dhe për arrestimin e 25-vjeçarit./ Opinion.al
