Është zbardhur edhe identiteti i 34-vjeçares, e cila u hodh bashkë me fëmijën e saj 1 vjeç, nga kati i 5-të në lagjen “Pavarësia 2”, në Vlorë.
Sipas tvklan.al, viktima është Pamela Martirio, 34 vjeç. Ende nuk dihen shkaqet që e kanë çuar 34-vjeçaren të ndërmarri këtë akt ekstrem, duke u hedhur bashkë me fëmijën e saj 1 vjeç nga kati i 5-të i një pallati, por policia po vazhdon hetimet për zbardhjen e plotë të ngjarjes.
Sipas dëshmive të banorëve të pallatit, ku ndodhi edhe ngjarja e rëndë, e reja jetonte në Tiranë dhe punonte si farmaciste. Gjithashtu tregojnë se 34-vjeçarja ishte e divorcuar dhe kishte vetëm fëmijën, me të cilin u vetëhodh.
Sipas policisë, ngjarja ndodhi mesditën e sotme, dhe dyshimet e para janë se e reja është hedhur vetë nga lartësia e pallatit./Opinion.al
