Një i ri shqiptar është ekzekutuar mbrëmjen e djeshme në Bari, Itali. Ngjarja e rëndë ka ndodhur në zonë tejet të populluar, mbrëmjen e 1 Gushtit rreth orës 21:30 në sheshin e Coratos, në qendrën historike, Piazza Abbazia. Mediat italiane kanë zbardhur edhe identitetin e shqiptarit të vrarë. Nga të dhënat e para mësohet se ai është Viktor Picaku, 24 vjeç. Sipas policisë, i riu nuk ka qenë i skeduar, ndërsa autorë janë dy persona që po udhëtonin me një motor skuter. Ata e kanë ndjekur të riun shqiptar dhe e kanë qëlluar nga mbrapa më pistoletë. 24-vjeçari është qëlluar me plumb në kokë e kraharor. Ngjarja ka sjellë panik tek njerëzit të cilët kishin populluar sheshin në atë orë të mbrëmjes. Policia po heton në disa pista duke përfshirë edhe një konflikt të mundshëm për femra. /Opinion.al
*Pamje nga vendi i ngjajes
