Koronavirusi i ka marrë jetën profesoreshës së Universitetit të Tiranës, Irena Bogdani. Lajmi është konfirmuar nga ministrja e Arsimit Evis Kushi. Ajo shkruan në një postim në rrjetet sociale se Irena Bogdani ishte një akademike e profesioniste shumë e mirë dhe gëzonte respekt tek të gjithë kolegët e studentët.
“Për profesoreshë Irena Bogdanin në Universitetin e Tiranës ruaj mbresat më të mira nga shumë konferenca shkencore ku kemi marrë pjesë së bashku. Ajo ishte një akademike e profesioniste shumë e mirë dhe gëzonte respekt tek të gjithë kolegët e studentët.
Shumë e pikëlluar për humbjen e saj të parakohshme nga virusi i pabesë dhe shpreh ngushëllimet më të sinqerta për familjarët dhe gjithë të afërmit e saj. U prehsh në paqe profesoreshë Irena!” shkruan ministrja Evis Kushi.
Ky nuk është rasti i parë i arsimtarëve të cilët kanë ndërruar jetë si pasojë e Covid-19. Më herët janë raportuar edhe mësues të tjerë në shkolla të ndryshme të vendit që nuk e kanë fituar betejën me Covid-19./Opinion.al
