Një 24-vjeçar është vënë në pranga nga policia shqiptare si pjesë e një grupi kriminal në Itali.
Policia thotë se ka vënë në pranga Klinder Lukën, pasi Gjykata e Venecias kishte lëshuar një urdhër arresti për të.
Ai u vu në pranga në Lezhë dhe pritet që të ekstradohet në Itali.
“Gjatë operacionit u lokalizua dhe u arrestua provizorisht, për t’u ekstraduar në Itali, shtetasi shqiptar K. L., 24 vjeç. Gjykata e Venecias ka lëshuar urdhër arresti për këtë shtetas, mbi dyshime për kryerje të veprave penale në fushën e narkotikëve, në kuadër të grupit të strukturuar kriminal, sipas parashikimeve të neneve 81, 110 dhe 73 të Kodit Penal italian. Gjatë operacionit “SACRIPANTE”, u vunë në pranga në Itali, 10 shtetas. Interpol Tirana po bashkëpunon me homologët, për ekstradimin në Itali, të shtetasit të arrestuar”, njoftoi policia.
