Është identifikuar personi që u arrestua paraditen e sotme në zonën e “Komunës së Parisit” në Tiranë pasi kërcënoi një gjyqtare.
Ai është Andri Leka, 39-vjeç, i cili është vënë në pranga nga efektivët e komisariatit numër.2.
Sipas policisë, Leka akuzohet për veprën penale “Kanosja e gjyqtarit”.
“Shërbimet e Komisariatit të Policisë Nr.2, si rezultat e një pune të mirëorganizuar, tek “Komuna e Parisit” kanë bërë kapjen dhe shoqërimin në ambientet e Komisariatit e shtetasit A. L., 39 vjeç, i shpallur në kërkim për veprën penale “Kanosja e gjyqtarit”, për veprime të mëtejshme hetimore”, thuhet në njoftim.
