Policia ka zbuluar identitetin e viktimës të gjendur mesditën e sotme në lumin e Tiranës.
Bëhet fjalë për 80-vjeçarin Bajram Lala nga Nish Tulla, Durrës, i cili u identifikua nga i biri në morgun e spitalit.
Sipas policisë, 80-vjeçari kishte dalë në mëngjes me dele dhe si pasojë e reshjeve të shumta të shiut është mbytur.
Sapo është identifikuar trupi i pajetë në lumin e Tiranës, menjëherë, shërbimet e policisë kanë mbërritur në vendin e ngjarjes për të bërë të mundur nxjerrjen e kufomës.
Ndërsa më herët është raportuar për dy të vdekur të tjerë në Mat dhe Këlcyrë.
Në fshatin Sukë të Këlcyrës ka ndërruar jetë Kastriot Spahiu, 50 vjeç. Nga të dhënat e para mësohet se ai ka qenë duke rregulluar çatinë, por për shkak të erës së fortë llamarinat dhe ka pësuar goditjen fatale.
Ndërsa në fshatin Plan i Bardhë të Klosit ka humbur jetën Xhevahir Ndoi, 44 vjeç. Ai është rrëmbyer nga rrjedha e ujit teksa udhëtonte me automjetin e tij fuoristradë, dhe rezulton i zhdukur. Banorët që kanë njoftuar policinë për ngjarjen thanë se përroi ishte tejet i rrëmbyeshëm, ndërsa mori para makinën që drejtohej nga 44 vjeçari.
