Policia e Shtetit ka njoftuar se është arrestuar në Lamia të Greqisë një shtetas shqiptar i cili ishte i shpallur në kërkim për vrasje.
Mësohet se autoritetet helene kanë arrestuar me qëllim ekstradimi drejt Shqipërisë, Arben Muçën, 50 vjeç, banues në Tiranë.
50-vjeçari në vitin 1998, në Kombinat, Tiranë, në rrugën “Kelmendi”, në afërsi të një bilardoje ka vrarë me armë zjarri shtetasin M. T.
Gjykata e Rrethit Gjyqësor Tiranë e ka dënuar me 23 vjet burg, për veprat penale “Vrasja me paramendim” e kryer në bashkëpunim dhe “Armëmbajtja pa leje”.
Ekstradimi i Arben Muçës drejt vendit tonë do të bëhet në kuadër të bashkëpunimit të Interpol Tirana me Interpol Athina./ Opinion.al
