Kronikë

Emri/I shpallur në kërkim për prostitucion, arrestohet 36-vjeçari nga Kavaja



Bëhu pjesë e Grupit Zyrtar të Opinion.al
>> KËTU <<
               Publikuar në : 16:05 - 03/08/22 |
Opi Nion

Një 36-vjeçar i shpallur në kërkim për prostitucion është vënë në pranga ditën e sotme nga  Policia e Tiranës.

Sipas policisë, shtetasi tashmë i identifikuar si  Klodian Lila, banues në Kavajë, është arrestuar në rrugën “Shefqet Musarai”.

Lila ishte dënuar nga Gjykata e Kavajës  me 3 vite burg pasi akuzohet për veprat penale “Heqja e paligjshme e lirisë” dhe “Prostitucioni”, pasi në  korrik të vitit 2019, 36-vjeçari ka marrë në automjetin e tij një shtetase, pa dëshirën e saj, dhe ka kryer marrëdhënie seksuale me të, kundrejt pagesës.

Njoftimi i Policisë

Vijon puna për kapjen e personave të shpallur në kërkim.

Finalizohet operacioni policor i koduar “Streha”, i zhvilluar nga Komisariati i Policisë Nr. 2.

Vihet në pranga 1 shtetas i shpallur në kërkim për veprat penale “Heqja e paligjshme e lirisë” dhe “Prostitucioni”.

Shërbimet e Komisariatit të Policisë Nr. 2, në vijim të punës për kapjen e personave të shpallur në kërkim dhe vënien e tyre para përgjegjësisë ligjore, bazuar dhe në informacionet e marra në rrugë operative, për vendndodhjen e një shtetasi në kërkim, organizuan dhe finalizuan operacionin policor të koduar “Streha”.

Si rezultat i këtij operacioni, në rrugën “Shefqet Musarai”, u bë kapja dhe arrestimi i shtetasit:

– Klodian Lila, 36 vjeç, banues në Kavajë.

Ky shtetas ishte shpallur në kërkim, pasi Gjykata e Rrethit Gjyqësor Kavajë e ka dënuar me 3 vjet burgim për veprat penale “Heqja e paligjshme e lirisë” dhe “Prostitucioni”.

Në korrik të vitit 2019, ky shtetas ka marrë në automjetin e tij një shtetase, pa dëshirën e saj, dhe ka kryer marrëdhënie seksuale me të, kundrejt pagesës.

Materialet i kaluan Prokurorisë, për veprime të mëtejshme.

Pas