Policia e Shtetit njofton se një person i shpallur në kërkim ndërkombëtar nga drejtësia Shqiptare është arrestuar në Itali.
Mësohet se i arrestuari është identifikuar si Lirim Islamaj, 28 vjeç, lindur dhe banues në Durrës, i cili është ekstraduar drejt vendit tonë.
Për Islamajn, Gjykata e Shkallës së Parë Durrës, në vitin 2018, ka dhënë dënimin me 4 vjet burg për veprën penale “Mashtrimi”.
Përmbledhje e ngjarjes së ndodhur:
Në nëntor 2015, shtetasi Lirim Islamaj i ka marrë automjetin shtetasit A. T., banues në Fier, për ta rregulluar në një servis automjetesh në Durrës dhe nuk ia ka kthyer më këtë automjet pronarit të ligjshëm.
I dëmtuari, ka bërë kallëzim penal në Komisariatin e Policisë Durrës, për vjedhje të automjetit me anë të mashtrimit.
Falë bashkëpunimit dhe shkëmbimit të informacionit mes Interpol Tiranës me Interpol Romën u bë e mundur kapja dhe ekstradimi i shtetasit Lirim Islamaj drejt vendit tonë./ Opinion.al
