Policia ka arrestuar një 40-vjeçar i shpallur në kërkim ndërkombëtar nga drejtësia italiane pasi akuzohet për disa veprat penale.
Mësohet se i arrestuari është identifikuar si Gjergj Mirashi, banues në Lezhë i cili rezulton se është i dënuar me parë.
Ai kuzohet për veprat penale “Grup i strukturuar kriminal”, “Shfrytëzim prostitucioni”, “Shkelje e ligjit mbi drogat”, “Vjedhje dhe posedim i sendeve të paligjshme” dhe “Emigracion i paligjshëm”, të parashikuara nga Kodi Penal italian.
Për 40-vjeçarin Gjykata e Venecias, Itali, më datë 20.06.2017, ka vendosur dënim me 11 vite e 8 muaj burg, për kryerjen e veprave penale në fushën e narkotikëve.
Arrestimi i tij është bërë me qëllim ekstradimi drejt shtetit italian.
Njoftimi i policisë
Në vijim të punës për kapjen e personave në kërkim dhe si rezultat i shkëmbimit të vazhdueshëm të informacioneve mes ZQK Interpol Tirana, Drejtorisë Vendore të Policisë Lezhë dhe zyrës ndërlidhëse Interforza, u bë i mundur finalizimi i operacionit të koduar “Fundjava”.
Si rezultat i operacionit, në qytetin e Lezhës, u bë i mundur lokalizimi, kapja dhe arrestimi i shtetasit Gjergj Mirashi, 40 vjeç, banues në Lezhë (i dënuar me parë).
Ky shtetas ishte shpallur në kërkim ndërkombëtar nga autoritetet italiane, pasi Gjykata e Venecias, Itali, më datë 20.06.2017, e ka dënuar me 11 vite e 8 muaj burg, për kryerjen e veprave penale në fushën e narkotikëve.
Arrestimi provizor u krye me qëllim ekstradimin e tij drejt Italisë.
Materialet i kaluan Prokurorisë pranë Gjykatës së Shkallës së Parë Lezhë, për veprime të mëtejshme procedurale.
