Një 26- vjeçar është arrestuar nga Policia e Tiranës, pasi ishte i shpallur në kërkim për veprën penale “Ndihma për kalim të paligjshëm të kufijve”.
Uniformat blu bëjnë me dije se i arrestuari është shtetasi Alban Mija, banues në Kamzë.
Arrestimi i tij u bë në vendin e quajtur “2 rrathët”, në Unazën e Re.
Rezulton se 26-vjeçari ishte i dënuar me 3 vjet e 4 muaj burg, për veprën penale “Ndihma për kalim të paligjshëm të kufijve” nga Gjykata e Rrethit Gjyqësor Gjirokastër.
“Finalizohet operacioni policor i koduar “Circle”, i zhvilluar nga Komisariati i Policisë Nr. 6.
Vihet në pranga 1 shtetas i shpallur në kërkim për veprën penale “Ndihma për kalim të paligjshëm të kufijve”.
Shërbimet e Komisariatit të Policisë Nr. 6, në vijim të punës për kapjen e personave të shpallur në kërkim dhe vënien e tyre para përgjegjësisë ligjore, bazuar dhe në informacionet e marra në rrugë operative, për vendndodhjen e një shtetasi në kërkim, organizuan dhe finalizuan operacionin policor të koduar “Circle”.
Si rezultat i këtij operacioni, në vendin e quajtur “2 rrathët”, në unazën e re, u bë kapja dhe arrestimi i shtetasit:
Alban Mija, 26 vjeç, banues në Kamzë.
Ky shtetas ishte shpallur në kërkim, pasi Gjykata e Rrethit Gjyqësor Gjirokastër, me vendimin e datës 16.12.2020, e ka dënuar me 3 vjet e 4 muaj burgim, për veprën penale “Ndihma për kalim të paligjshëm të kufijve”.
26-vjeçari iu dorëzua DVP Gjirokastër, për veprime të mëtejshme procedural”, njoftoi policia./Opinion.al
