Kronikë

Emri/ I moshuari qëllon me armë në drejtim të policisë, plagos dy të rinj


Bëhu pjesë e Grupit Zyrtar të Opinion.al
>> KËTU <<
               Publikuar në : 13:36 - 24/09/20 |
Opi Nion

Të shtëna me armë zjarri janë regjistruar ditën e sotme në lagjen “11 Nëntori” në Elbasan. Mësohet se një person ka qëlluar në drejtim të efektivëve të policisë.

Policia njofton se fillimisht autoritetet janë njoftuar për një konflikt në familje, por kur kanë mbërritur në vendin e ngjarjes, 71-vjeçari Lefter Zhidru është futur në banesën e tij dhe ka qëlluar në drejtim të efektivëve.

Sipas informacioneve ai ende nuk është dorëzuar dhe vijon të qëllojë me armë në drejtim  të policisë. Ndërkohë, si pasoje të shtënave, janë plagosur  dy kalimtarë të rastit, L. S., 22 vjeç dhe A. K., 21 vjeç, të cilët janë jashtë rrezikut për jetën.

Në ndihmë të Policisë lokale janë nisur menjëherë forcat e FNSH dhe të RENEA-s, për të bërë neutralizimin dhe kapjen e shtetasit që vijon të qëllojë me armë në drejtim të Policisë.

Njoftimi i policisë

Më datë 24.09.2020, rreth orës 13:20, në lagjen “11 Nëntori”, Elbasan shtetasja F. Zh., ka patur një konflikt me bashkëshortin e saj, shtetasin Lefter Zhidru, 71 vjeç, i cili në momentin që ka shkuar Policia është futur në banesë dhe ka qëlluar dhe vijon të qëllojë me armë zjarri kallash në drejtim të forcave të Policisë.

Forcat Shqiponja dhe Patrullat e Përgjithshme janë pozicionuar dhe kanë vendosur perimetrin e sigurisë dhe vijojnë t’i bëjnë thirrje këtij shtetasi të dorëzohet, i cili vijon të bëjë rezistencë duke qëlluar vazhdimisht në drejtim të Policisë.

Si pasojë e të shtënave janë plagosur jashtë rrezikut për jetën dy shtetas, L. S., 22 vjeç dhe A. K., 21 vjeç, kalimtarë të rastit, në momentin që ky shtetas ka filluar të qëllonte me armë në drejtim të Policisë.

Në ndihmë të Policisë lokale janë nisur menjëherë forcat e FNSH dhe të RENEA-s, për të bërë neutralizimin dhe kapjen e shtetasit që vijon të qëllojë me armë në drejtim të Policisë.

Shtetasi Lefter Zhidru vijon të qëllojë me armë duke bërë rezistencë edhe pas thirrjeve të pandërprera të Policisë.

Banesa nga e cila po qëllon ky shtetas është e rrethuar dhe Policia ka vendosur një perimetër të gjerë rrethimi, për të parandaluar dëmtimin e kalimtarëve të tjerë të rastit./ Opinion.al

Pas