Këngëtarja me origjinë shqiptare Dua Lipa duket se është kthyer në frymëzim edhe për koleget e saj. Këngëtarja suedeze Amanda Winberg, e njohur me emrin e artit ‘AMWIN’ ka publikuar këngën e saj më të re dhe titulli që ka vendosur është emri i këngëtares shqiptare ‘Dua Lipa’.
Ndonëse subjekti i këngës nuk ka lidhje me këngëtaren, Amanda ka shpjeguar arsyen se përse ka vendosur që këtë këngë të albumit të saj ta titulloj në këtë mënyrë.
“Dua Lipa është vërtet e paparë. Është super, shumë tip dhe shumica e njerëzve do të bënin gjithçka për të, mendoj unë. Siç do të bëja unë në këngë për djalin që kam fiksim. Sinqerisht, kur po bëja këtë këngë ishte personi i parë që më shkoi në mendje: ‘Kush tjetër është më e mirë se akullorja? Uh, Dua Lipa’,-është shprehur këngëtarja.
Amanda Winberg është bërë e njohur për publikun suedez në vitin 2015 në talent-shoë “Idol” ku u rendit e dyta./Opinion.al/
