Një 31-vjeçar është vënë në pranga pasi i ka vënë zjarrin automjetit tip “Toyota” pranë vendit të quajtur “ish-furra e druve” në Korçë.
Sipas policisë, është arrestuar në flagrancë shtetasi Andi Gjergji, 31 vjeç, banues në Korçë.
Makina në pronësi të 32-vjeçares me iniciale S.B. u dogj tërësisht. Nga hetimet e policisë rezultoi se makina ishte djegur qëllimisht.
“Ditën e djeshme, në lagjen nr. 4, Korçë, pranë vendit të quajtur “Ish-Fusha e Druve”, dyshohet se për motive të dobëta, ka djegur me zjarr mjetin tip “Toyota” në pronësi të shtetases S. B., 32 vjeçe, banuese në Korçë”, njofton policia./Opinion.al
