Një 43-vjeçar shqiptar i dënuar me 25 vjet burgim, për vrasje me paramendim,është ekstraduar drejt Shqipërisë.
Shtetasi Bledar Mneri u ekstradua ditën e sotme në sajë të bashkëpunimit mes Interpol Tirana dhe Interpol Paris, për kapjen dhe ekstradimin e shtetasve të shpallur në kërkim ndërkombëtar.
43-vjeçari ishte shpallur në kërkim ndërkombëtar nga ZQK Interpol Tirana, pasi Gjykata e Rrethit Gjyqësor Tiranë e ka dënuar me 25 vjet burgim, për veprat penale “Vrasja me paramendim” dhe “Mbajtja pa leje dhe prodhimi i armëve shpërthyese dhe i municionit”, pasi në vitin 2016, Bledar Mneri vrau me armë Vasil Bibën dhe e groposi në fshatin Priskë të Tiranës.
Motivi i kësaj vrasjeje ka qenë mashtrimi në fushën e ndërtimeve dhe shuma të mëdha të pashlyera (borxhe)./Opinion.al
