Një fëmijë 4 vjec i shpëtoi për mrekulli aksidentit në Fier. Ai ishte në bordin e makinës, kur babai i tij i dehur në timon u përplas me një furoristradë. Ngjarja ka ndodhur në Fier, ndërsa policia ka ndaluar Diko Hazizaj, i cili i jepte makinës në gjendje të dehur.
Njoftimi i policisë
Specialistët e Sektorit të Qarkullimit Rrugor, arrestuan në flagrancë shtetasin:
-Diko Hazizaj, 32 vjeç, banues në Fier.
Arrestim i këtij shtetasi u bë pasi në fshatin Peshtan, duke drejtuar mjetin tip “Fiat”, është përplasur me automjetin tip “Land-Rover” me drejtues shtetasin S.B, 28 vjeç, banues në Fier.
Në momentin e përplasjes shtetasi Diko Hazizaj ka qenë në gjendje të dehur dhe ka pasur në automjet edhe fëmijën e tij të mitur 4 vjeç, i cili pas marrjes së ndihmës shëndetësore pranë Spitalit Rajonal Fier është larguar në banesë.
Materialet i kaluan Prokurorisë pranë Gjykatës së Shkallës së Parë Fier për veprën penale “Drejtimi i mjetit në mënyrë të parregullt” parashikuar nga Neni 291 i Kodit Penal.
/Opinion.al
