Një 60-vjeçar shqiptar ka humbur tragjikisht jetën të dielën në mesditë në Savignano të Italisë pasi ka rënë në kontakt me rrymën elektrike.
Mediat italiane shkruajnë se 60-vjeçari Zaim Qoshja, po rregullonte një zgjatues në shtëpinë e tij, kur ra në kontakt me korrentin. Pavarësisht ndërhyrjes së shërbimeve të emergjencës, 60-vjeçari nuk mundi të mbijetonte.
60-vjeçari jetonte me gruan dhe vajzën dhe ndodhej në Itali që prej vitit 1998. Ai kishte punuar prej vitesh në sektorin e ndërtimit, më konkretisht murator dhe ishte baba i dy fëmijëve, një vajze dhe një djali./Opinion.al
