Një 23-vjeçar ka rënë në prangat e policisë pasi hidhte në treg kartëmonedha të dyshuara të falsifikuara. Mësohet se është ndaluar Klaudio Bleda, 23 vjeç, banues në Tiranë. I riu më datë 15 prill, ka furnizuar me karburant automjetin në një pikë karburanti në Klos, Mallakastër, dhe pagesën e ka bërë me kartëmonedha dollar të dyshuara të falsifikuara, të cilat u sekuestruan në cilësinë e provës materiale.
“Hidhte në treg kartëmonedha të dyshuara të falsifikuara, vihet në prangat e policisë 23-vjeçari.
Në vijim të punës për goditjen e veprimtarisë kriminale në fushën e falsifikimit të monedhave, specialistët e Seksionit për Hetimin e Krimit Ekonomik e Financiar në DVP Fier, bënë ndalimin e shtetasit të shpallur në kërkim:
Klaudio Bleda, 23 vjeç, banues në Tiranë.
Ndalim i këtij shtetasi u bë pasi në datë 15.04.2022, ka furnizuar me karburant automjetin në një pikë karburanti në Klos, Mallakastër, dhe pagesën e ka bërë me kartëmonedha dollar të dyshuara të falsifikuara, të cilat u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë Fier, për veprën penale “Falsifikimi i monedhave”-njofton policia.
