Një efektiv i policisë në Shkodër është me sende të forta. Mësohet se viktimë e këtij sulmi është efektivi i policisë Admir Okaj.
Ngjarja ka ndodhur rreth dy orë më parë dhe paraprakisht bëhet me dije se Okaj është qëlluar me mjete të forta në kokë nga persona ende të paidentifikuar.
Ngjarja ndodhi në afërsi të banesës së tij në zonën e Zdrales. Okaj ndodhet jashtë rrezikut për jetën. Pasi ka marrë mjekim në kokë në spitalin e Shkodrës ai është larguar nga ambientet e spitalit.
Okaj ka shërbyer për shumë vite me forcat e FNSH në Shkodër ndërsa prej disa kohësh shërben në qarkun e Elbasanit.
Policia ka nisur punën për identifikimin e autorëve të ngjarjes, ndërsa mbeten ende të paqarta arsyet e sulmit.
