Një person me rrezikshëri të lartë është arrestuar në Vlorë. Ai kishte arritur ti shpëtonte policisë prej disa vitesh, ndërsa rezulton i dënuar në Itali për shfrytëzim prositucioni, me plot 17 vite burg.
Policia, përmes një komunikate, tha se në pranga ka rënë Maks Merkaj, 52 vjeç, banues në lagjen “10 Korriku”, Vlorë. Pasi të dalë në gjykatë, ai pritet të ekstradohet në Itali.
Njoftimi i policisë
Strukturat Policore të Seksionit për Hetimin e Trafiqeve dhe Narkotikëve në Drejtorinë Vendore të Policisë Vlorë, në vijim të punës për kapjen dhe ndalimin e shtetasve të shpallur në kërkim ndërkombëtar dhe vënien e tyre para drejtësisë kanë organizuar një operacion policor të koduar ”Blic”.
Si rezultat i operacionit është bërë e mundur kapja dhe arrestimi i përkohshëm me qëllim ekstradimi drejt Italisë të shtetasit të shpallur në kërkim ndërkombëtar, Maks Merkaj, 52 vjec.
Këtë shtetas Gjykata e Assizes Venecia, Itali, me vendimin nr. 1/2001 R.G.C.Ass, datë 10.04.2011, e ka dënuar me 17 vite burgim, mbetur për të vuajtur edhe 14 vite, për veprat penale “Organizatë kriminale”, ”Pengmarrje”, ”Marrëdhenie seksuale me dhunë” dhe ”Shfrytezim prostitucioni”, parashikuar nga nenet 61,81,110,519,600,605 të Kodit Penal Italian.
Interpol Tirana po vijon procedurat e mëtejshme për ekstradimin e këtij shtetasi drejtim drejtësisë Italiane.
/Opinion.al
