Është ekstraduar nga Holanda pak kohë më parë shtetasi Shkëlzen Hasanpapaj, 19-vjeç, pasi akuzohet për atentatin ndaj Florenc Çapes dhe Bledar Muçës në Elbasan me 6 qershor, 2016.
Lajmi është mësuar nga Report Tv, ndërsa bëhet e ditur se Hasanpapaj është ekstraduar nën masa të rrepta sigurie dhe në fshehtësi të plotë.
Nga i njëjti burim mësohet se ai është prangosur në shkurt të vitit 2017 nga policia holandeze, pasi u pikas atje pa dokumente të rregullta, ku dhe rezultoi se ndaj tij kishte një urdhër arresti ndërkombëtar.
Por si u zbulua i riu nga Tropoja me banim në Elbasan?
Ishte analiza e ADN-s ajo që konfimroi përfshirjen e tij në këtë krim dhe kjo gjurmë ADN-je upërftua nga rrobat që ai braktisi pak caste pasi kreu atentatin në oborrin e Gjykatës së Elbasanit ku qëlloi ndaj Florenc Çapes dhe Bledar Muçës e po ashtu plagosi dhe një punonjëse policie.
Burime nga grupi hetimor sqaruan për Report Tv se me mbërritjen në Shqipëri Hasanpapajt i është bërë edhe njëherë analiza e ADN-së e cila po ashtu ka konfirmuar gjurmët krahasuese të profilit gjenetik të gjetura në rrobat që ai duket në këto pamje.
Aktualisht Shkëlzen Hasanpapaj ndodhet në paraburgim pranë një burgu të sigurisë së lartë në vend dhe ruhet përgjatë 24 orëve. Ai konsiderohet si një person kyç për hetuesit për zbardhjen e atentatit ndaj Florenc Çapes dhe Bledar Muçës të ndodhur në qershor të 2016-ës. Hasanpapaj është sjellë në Rinas nga policia holandeze dhe me autoblind është dërguar në qeli ku prej më shumë se 3 javë nuk ka pranuar të flasë për hetuesit në lidhje me atentatin.
