Janë zbardhur detaje të reja lidhur me shpërthimin e sasisë së eksplozivit në një automjet në lagjen “Hajro Cakerri” të Vlorës.
Mësohet se makina me targa AA 151 HJ, e cila qëndronte e parkuar është në pronësi të Benard Sinomatajt, i cili dyshohet se ka qenë shënjestra e autorëve.
Dëmet janë shkaktuar në pjesën e shoferit, ky dyshohet se ishte vendosur eksplozivi. Menjëherë policia ka rrethuar zonën duke nisur hetimet për ngjarjen që fatmirësisht nuk pati të lënduar.
Mbetet për t’u sqaruar nga grupi hetimor nëse kemi të bëjmë me një paralajmërim për Benard Sinomatajn. Ndërkohë, policia po mbledh pamjet e kamerave të sigurisë dhe prova materiale për të identifikuar autorët./Opinion.al
