Një ngjarje e rëndë është regjistruar sot rreth orës 17:00 në Kosovë. Mësohet se babai ka ekzekutuar me armë zjarri djalin e tij në Prishtinë.
Sipas “Express”, viktima është identifikuar si Albert Krasniqi. Ndërkohë, Policia ka bërë të mundur arrestimin e autorit, Skënder Krasniqi dhe ka sekuestruar armën e krimit.
Motivet e ngjarjes që shokoi kryeqytetin e Kosovës mbeten ende të panjohura, ndërsa Alberti dhe babai i tij njihen si biznesmenë të njohur në Kosovë.
“Rreth orës 17:00 policia ka marrë informatën për një vrasje të ndodhur në rrugën ” Ndue Perlleshi” në Prishtinë. Menjëherë pas marrjes së informatës policia ka dalë në vendin e ngjarjes dhe po ndërmerr të gjitha veprimet e nevojshme që konsistojnë në hetimin e rrethanave që karakterizojnë ngjarjen. Një person është arrestuar si dhe është konfiskuar një armë që dyshohet të jetë arma e përdorur në rast. Aktualisht jemi në fazën fillestare të ndërmarrjes së veprimeve hetimore dhe atyre të ekzaminimit të vendngjarjes në funksion të ndriçimit të plotë të këtij rasti.”, njoftoi policia. / Opinion.al
