Një atentat i dështuar u regjistrua ditën e sotme në Shkodër. Mësohet se objektivi i këtij atentati ishte boksieri profesionist Arjon Kajoshi
Sipas informacioneve, boksieri po kthehej nga stërvitja kur ndaj Range Rover-it ku udhëtonte është qëlluar me armë zjarri.
Deri më tani, Policia nuk ka mundur të identifikojë dhe arrestojë autorët. Ndërkohë, mbetet i paqartë motivi i këtij atentati.
Njoftimi i Policisë
Rreth orës 12:30, në lagjen “Partizani”, dyshohet se është qëlluar me armë zjarri në drejtim të një automjeti “Land Rover” në lëvizje, në pronësi të shtetasit S.K.
Nga të shtënat nuk ka përsona të lënduar.
Shërbimet e Policisë kanë ngritur pika kontrolli në hyrje-dalje të qytetit dhe vijojnë kontrollin në zonë për kapjen e autorit/ve.
Grupi hetimor në drejtimin e Prokurorisë po punon për zbardhjen e rrethanave, sigurimin e provave me qëllim identifikimin dhe kapjen e autorit/ve, dhe dokumentimin ligjor të rastit.
