Policia e Kosovës ka arrestuar Indrit Taullain i njohur si pjesë e “Bandës së Durrësit”. Taullai ishte shpallur në kërkim nga autoritetet e shqiptare, ndërsa arrestimi i tij është bërë sot në Prizren.
Mësohet se arrestimi i Taullait është bërë me kërkesë të Interpol Tiranës dhe zyrës për bashkëpunim ndërkombëtar në Kosovë, raporton “Express”.
Taullai dyshohet për pjesëmarrje në organizate kriminale ne Shqipëri, ndërsa në Kosovë është futur më 05 dhjetor. Indrit Taullai ka qenë i dënuar me 25 vite burg pasi u arrestua si pjesë e grupit “Banda e Durrësit”, të cilët akuzohen për një sërë vrasjesh për hakmarrje ndaj grupeve kriminale rivale.
Ai ishte liruar nga burgu një vendim i Gjykatës së Lartë, pasi vuante nga sëmundje e rëndë, dhe se duhej të trajtohej në kushte spitalore, jashtë ambienteve të burgut.
Në lidhje me arrestimin e Indrit Taullait policia shqiptare nuk ka dhënë asnjë informacion./ Opinion.al
