Policia e Shkodrës ka arrestuar një 31-vjeçar i identifikuar si Arlind Kajoshi shpallur në kërkim për disa vepra penale.
Kajoshi akuzohet konkretisht për veprat penale “Plagosja e lehtë me dashje”, kryer në bashkëpunim, “Kanosja”, kryer në bashkëpunim dhe “Mbajtja pa leje e armëve, armëve shpërthyese dhe e municionit”,
Nga veprimet hetimore dyshohet se ky shtetas është përfshirë në konfliktin e ndodhur për vendparkimin e automjeteve, në 3 qershor të vitit të shkuar në rrugën “Pogej”, gjatë të cilit u godit fizikisht dhe me sende të forta një person.
Policia vijon punën për lokalizimin dhe kapjen e bashkëpunëtorit të tij, i dyshuar si i përfshirë në konflikt.
