Kronikë

Emri/ Arrestohet 27-vjeçari në Fier, hodhi armën nga dritarja e lokalit


Bëhu pjesë e Grupit Zyrtar të Opinion.al
>> KËTU <<
               Publikuar në : 09:59 - 16/06/21 |
Opi Nion

Një 27-vjeçar është arrestuar pas kontrolleve nga Forcat Speciale Renea, Forca e Posaçme Operacionale në Drejtorinë e Përgjithshme të Policisë së Shtetit dhe strukturave në Fier.

Mësohet se në pranga ka rënë Indrit Hoxhaj (Kuçi), person me precedent kriminal në fushën e krimeve kundër jetës, drogës e armëmbajtjes pa leje.

Arrestimi i tij është bërë në lagjen “Fermë-Çlirim” në ambientet e një lokali, gjatë kontrollit të zhvilluar nga Renea, shtetasi  I. H.(K)., 27 vjeç, sapo ka parë forcat e Policisë ka hedhur nga dritarja e lokalit çantën e dorës brenda së cilës mbante një armë zjarri pistoletë. Gjatë këqyrjes së çantës, shërbimet e Policisë gjetën në brendësi të saj armën e zjarrit pistoletë me dy karikatorë me fishekë luftarakë dhe kartën e identitetit të 27-vjeçarit.

I riu akuzohet  për veprën penale “Armëmbajtja pa leje”  dhe materialet i kaluan Prokurorisë pranë Gjykatës së Shkallës së Parë Fier, për veprime të mëtejshme./ Opinion.al

Pas