Kontrolle të befasishme nga Forcat Speciale RENEA janë zhvilluar mbrëmjen e djeshme në qytetin e Vlorës, për kapjen e personave në kërkim, atyre që mbajnë armë zjarri, por dhe atyre personave që kultivojnë e shpërndajnë lëndë narkotike.
Sipas njoftimit të policisë bëhet me dije se gjatë kontrolleve është sekuestruar një armë zjarri pistoletë dhe municion luftarak, teksa është vënë në pranga 41-vjeçari, Edison Begaj poseduesi i armës.
Begaj është arrestuar në lagjen “Uji i Ftohtë”, në ambientet e jashtme të një lokali.
Policia njofton se gjatë kontrollit fizik të ushtruar ndaj 41-vjeçarit, u gjet dhe u bllokua në cilësinë e provës materiale një armë zjarri pistoletë, me një krehër me 5 fishekë, pa leje.
Mbi Edison Begaj rëndojnë veprat penale “Armëmbajtja pa leje” dhe materialet i kaluan Prokurorisë së Rrethit Gjyqësor Vlorë, për veprime të mëtejshme./Opinion.al
