Një i ri ka humbur jetën në një aksident automobilistik të ndodhur orët e para të mengjesit të sotëm në periferi të Tiranës, ndërsa dy persona të tjerë janë plagosur. Ervin Preçi 28 vjeç, është personi i cili ka mbetur i vdekur. Ai ishte pasagjer në një automjet që ka dalë nga rruga tek rreth-rrotullimi i “Saukut”.
Në një njoftim paraprak lidhur me aksidentin, policia njoftoi se “tek rreth-rrotullimi i “Saukut”, shtetasi L.D. 28 vjeç banues në Tiranë, duke drejtuar mjetin tip “Benz, ka dalë jashtë rruge. Për pasojë, janë dëmtuar drejtuesi i mjetit, shtetasi L.D. dhe pasagjerja shtetësia D.Xh. 23 vjeçe banuese në Tiranë, të cilët ndodhen në spital, nën kujdesin e mjekëve, njoftoi policia.
Ndërsa pasagjeri tjetër, shtetasi E.P. 28 vjeç banues në Tiranë, ka ndërruar jetë në spital. Po punohet për sqarimin e plotë të rrethanave të ngjarjes, shtuan të njëjtat burime.
