Një aksident rrugor me pasojë vdekjen e një personi është regjistruar mëngjesin e sotëm në rrugën nacionale Savër-Fiershegan. Ngjarja ndodhi rreth orës 6:00, teksa i moshuari ishte duke kaluar rrugën për të shkuar për të punuar tokat.
Kostandin Verushi është goditur nga një furgon mallrash dhe si pasojë e plagëve të marra ka humbur jetën.
Policia ka ndaluar drejtuesin e furgonit dhe po punon për zbardhjen e shkaqeve të aksidenti.
“Sot rreth orës 06:00, në aksin rrugor Savër-Fiershegan, shtetasi D. B., 26 vjeç, banues në Tiranë, duke drejtuar automjetin furgon sprinter tip “Benz” është përplasur me një karrocë që tërhiqej nga një kafshë, në të cilën ndodhej shtetasi K. V., 77 vjeç, banues në Stan Karbunarë. Si pasojë e përplasjes ka ndërruar jetë shtetasi K. V.
Eshtë shoqëruar në Komisariat drejtuesi i automjetit dhe po kryen veprimet procedurale”, njofton policia.
Grupi hetimor po punon për zbardhjen e plotë të rrethanave të aksidentit.
