Një 20-vjeçar shqiptar kishte kthyer ish-gjykatën e braktisur të magjistraturës në Angli në një fermë të madhe kanabisi.
Ilidion Brahaj, u paraqit në Gjykatën Chester Crown të mërkurën ku u deklarua fajtor për një akuzë për prodhimin e një droge të klasit B.
Sipas mediave të huaja, akuza lidhet me zbulimin e një ferme kanabisi me më shumë se 1000 bimë brenda ish-Gjykatës së Magjistraturës Halton në Northway në Runcorn.
Brahaj u paraqit për herë të parë në Gjykatën e Magjistraturës së Crewe të premten, më 26 nëntor dhe që atëherë ka mbetur në paraburgim.
Në Gjykatën Chester Crown të mërkurën, Brahaj pranoi fajësinë dhe u rikthye në paraburgim për t’u dënuar muajin e ardhshëm pas përfundimit të një raporti para dënimit.
Ai u ndihmua nga një përkthyes shqiptar për seancën dëgjimore, megjithëse avokatja e tij znj. Hindle tha se anglishtja e tij ishte e mirë.
Ndërkohë, Gjykata e Magjistraturës Halton u mbyll nga Ministria e Drejtësisë më 13 janar 2017, si pjesë e një ristrukturimi për uljen e kostove që pritej të kursente 350,000 £ në vit./Opinion.al
