Një 25-vjeçar është vrarë pak pas mesnatës së kaluar në qytetin e Shkodërs. Nga njoftimi i policisë bëhet me dije se ngjarja e rëndë ndodhi në fshatin Bardhaj, teksa viktimë ka mbetur 25-vjeçari Emiljano Ndou, banues në Bleran Bardhaj.
Nga ana tjetër forct e policisë kanë arritur që brenda pak minutash të arrestojnë autorin e dyshuar të krimit, shtetasin Mark Kodra, 47 vjeç, bashkëfshatar me viktimën, teksa ka sekuestruar dhe armën e krimit, tip kallashnikov. Nuk dihen ende motivet e krimit, ndërsa sipas policië bëhet fjalë për një ngjarje për motive të dobëta.
“Në fshatin Bardhaj, në afërsi të një kalçetoje, dyshohet se një konflikti për motive të dobëta shtetasi Mark Kodra., 47 vjeç, banues ne fshatin Bleran Bardhaj, ka vrarë me armë zjarri shtetasin Emiljano Ndou, 25 vjeç, banues ne Bleran Bardhaj.
Falë reagimit në kohë dhe veprimeve të shpejta e profesionale të kryera nga Policia, u bë e mundur identifikimi dhe kapja brenda pak minutash e autorit të dyshuar të vrasjes.
Grupi hetimor nën drejtimin e Prokurorisë po punon për sqarimin e rrethanave dhe dokumentimin e plotë të kësaj ngjarjeje”, bëri të ditur Policia e Shkodrës.
