Arta Marku, Olsian Çela dhe Fatjona Memçaj. Këta janë tre kandidatët në garë për postin e Prokurorit të Përgjithshëm.
Në mbledhjen e Këshillit të Lartë të Prokurorisë u miratua lista përfundimtare me emrat e kandidatëve që plotësojnë kushtet dhe do të vijojnë garën.
Ndërkohë, kandidati tjetër, Lulzim Alushaj u skualifikua pasi nuk plotëson kushtin e pasjes 15 vjet përvojë pune si jurist i spikatur. Ankimimi për këtë vendim duhet të bëhet brenda tre ditësh.
Në nisje të mbledhjes, Gent Ibrahimi, kreu i KLP-së, deklaroi: “Sot Këshilli është në gjendje të vlerësojnë kandidatët të cilët plotësojnë kushte ligjore për të vazhduar garën për pozicionin e Prokurorit të Përgjithshëm. Anëtarët të Këshillit kanë shqyrtuar me seriozitet dosjen e çdo kandidati”./ Opinion.al
