Dy persona janë arrestuar nga Policia e Vlorës pas tentuan t’i vënë tritol një banese.
Mësohet se në pranga kanë rënë Marlen Gutiçi 34 vjeç dhe Behxhet Alliaj 50 vjeç. Të dy kanë tentuar të hedhin në erë banesën e Adhurim Demiri.
Bëhet me dije se personat e arrestuar janë me precedent të mëparshëm penalë për trafik droge.
Nga kontrolli i ushtruar në banesat e këtyre shtetasve, shërbimet e Policisë kanë gjetur dhe sekuestruar sasi të vogla kokaine dhe heroine, një pistoletë, 2 kallëpe tritoli të montuar gati për shpërthim dhe 1 automjet të vjedhur në Greqi.
Ndërkohë, autoritetet po punojnë për të zbuluar detaje në lidhje me ngjarjen e cila mund të kishte pasur pasoja të rënda./ Opinion.al
