Tek Akademia e Policisë po zhvillohet sot provimi për gradën “Drejtues i Parë”. Janë 28 titullare police që kanë gradën “drejtues” por synojnë “Drejtues i Parë” ç’ka do tu hapte rrugën edhe për postin e Drejtorit të Përgjithshëm të Policisë së Shtetit. Edhe pse tagrin për të zgjedhur drejtorin e ri e ka Edi Rama dhe Fatmir Xhafaj, policët janë duke dhënë provimin për të marrë gradën e lartë.
Konkursi ka dy faza: Faza e parë është ajo me shkrim, (testi me shkrim ka 100 pyetje) ku përgjigjet do të korrigjohen me skadron dhe faza e dytë është ajo me gojë, ku policët do t’i nënshtrohen një pyetësori. Mësohet se fituesit duhet të kenë mbi 70 pikë që të hyjnë në testin me gojë. Ndërkohë, kryetar komisioni është drejtori i Akademisë së Policisë, Bilbim Mema. Ky i fundit ka qenë drejtor policie në kohën e Sali Berishës.
Në garë për gradën “Drejtues i Parë” janë:
Ardi Veliun, Drejtor i Policisë së Tiranës
Gentjan Shehaj, Drejtori i Policisë së Vlorës
Edmond Targaj, drejtor në Policisë në Dibrës
Albert Dervishi, drejtor i Rendit.
Josif Shtembari, drejtor i Krimeve
Mitat Tola drejtor i policisë Rrugore
Albert Goxhaj, drejtori i Standardeve Profesionale
Po kështu konkurojnë dhe gjithë zv/drejtorët e qarqeve dhe shefat e sektorëve në Drejtorinë e Përgjitshme të Policisë së Shtetit.
