Policia ka dhënë detaje për ngjarjen e ndodhur dje në Lezhë, ku në afërsi të një restoranti në lagjen “Besëlidhja”, Lezhë, 46-vjeçari Admir Zogaj ka hedhur një ndezës granate në drejtim të shtetasit Sokol Pepushi, e cila ka shpërthyer pa shkaktuar dëme në njerëz. Pas kësaj ngjarjeje, shtetasi Sokol Pepushi është larguar pa njoftuar Policinë. Për këtë arsye policia ka arrestuar 36-vjeçarin Sokol Pepushi, i cili akuzohet për “Moskallëszim krimi” Ndërkohë është shpallur në kërkim autori Admir Zogaj. Ky i fundit akuzohet për veprat penale “Vrasja me dashje”, e mbetur në tentativë dhe “Mbajtja pa leje dhe prodhimi i armëve shpërthyese dhe i municionit”.
Njoftimi i policisë
Specialistët për Hetimin e Krimeve në Komisariatin e Policisë Lezhë bënë arrestimin në flagrancë të shtetasit Sokol Pepushi, 36 vjeç, banues në Lezhë, si dhe shpallën në kërkim shtetasin Admir Zogaj, 46 vjeç, banues në Manati, Lezhë.
Ditën e djeshme, rreth orës 13:00, në afërsi të një restoranti në lagjen “Besëlidhja”, Lezhë, shtetasi Admir Zogaj ka hedhur një ndezës granate në drejtim të shtetasit Sokol Pepushi, e cila ka shpërthyer pa shkaktuar dëme në njerëz.
Pas kësaj ngjarjeje, shtetasi Sokol Pepushi është larguar pa njoftuar Policinë. Vijon puna për kapjen e shtetasit Admir Zogaj.
