Kanë rënë në pranga 3 korrierë shqiptarë të drogës të cilët tentuan të merrnin në portin e Livornos 148 kilogramë kokainë.
Mediat italiane shkruajnë se janë arrestuar dy vëllezërit Ylber e Napolon Arshi e Goliano Zhupa.
Droga ishte fshehur në një kontejner me banane që kishte ardhur nga porti i Guajakilit dhe kishte si destinacion Zvicrën. Skaneri kishte zbuluar 139 pako me drogë në kontejnerin në fjalë, por agjentët e policisë nuk i kanë prekur.
Të tre janë kapur në flagrancë ndërsa po fusnin në çanta kokainën. Në momentin e ndalimit të tre nuk kanë pasur me vete dokumente identifikim, prandaj dhe për Guardia di Financa nuk ka qenë i lehtë identifikimi.
Autoritetet kishin pasur sinjalizim për ngarkesën me kokainë në kontejnerin me banane të një kompanie me bazë në Zvicër. Droga e cila nëse do të hidhej në treg do të kapte vlerën e dhjetra miliona eurove fitim, ishte e ndarë në 139 pako dhe secila me peshë 1.1 kg. Pakot ishin me logo ‘Louis Vuitton’ e iniciale ‘S.V.’ e ‘T’
