Të tjera detaje janë bërë të ditura rreth ngjarjes së ndodhur pak pas mesnatës në Mamurras, ku mbetën të plagosur me armë zjarri dy persona dhe është bërë arrestimi i njërit prej autorëve të ngjarjes.
Mësohet se të plagosur kanë mbetur shtetasit Gentian Diva, 40 vjeç, banues në Fushë-Mamurras dhe Alban Skonja, 39 vjeç, banues në Durrës.
Ndërsa policia ka bërë të mundur zbardhjen e ngjarjes dhe ka vënë në pranga 19-vjeçarin Andi Diva, nipi i një prej të plagosurve. Gjatë kontrollit në banesën e 19-vjeçarit, policia ka gjetur dhe sekuestruar një armë zjarri.
Paraprakisht dyshohet se shkak i ngjarjes është bërë një vajzë, e cila ndodhej me dy personat që u plagosën Diva dhe Skonja, të cilët ndodhen në spital.
Ata u qëlluan me armë zjarri ndërkohë që udhëtonin me makinë nga Kastriot Lleshaj. 50-vjeçari Lleshaj është ende në arrati dhe është shpallur në kërkim nga policia./Opinion.al
