Një konflikt mes dy personave ka përfunduar në plagosjen e njërit prej tyre. Konflikti ka ndodhur një ditë më parë në terminalin e autobusëve të veriut në Tiranë. Sipas news 24 të përfshirë në konflikt kanë qenë 34-vjeçari Rudolf Nikollaj dhe 32-vjeçari Robert Kurti, i cili është plagosur me thikë.
Autor i ngjarjes është 34-vjeçari Rudolf Nikollaj, ndërsa mësohet se të dy personat e përfshirë në konflikt janë nga Mati.
I plagosuri u dërgua në spital dhe ndodhet jashtë rrezikut për jetën, kurse autori u shpall në kërkim.
“Më datë 10.03.2021, u referuan materialet në Prokurorinë pranë Gjykatës së Shkallës së Parë Tiranë, dhe punohet për kapjen e shtetasit në kërkim R. N., 34 vjeç, pasi në rrugën “Kastriotët”, ka goditur me një mjet prerës (e dyshuar thikë), shtetasin R. K., 32 vjeç, i cili ndodhet në spital, jashtë rrezikut për jetën”, thote policia.
Ndërkohë policia po punon për zbardhjen e ngjarjes dhe kapjen e autorit./Opinion.al
