Një 22 vjeçar, i komunitetit rom është goditur për vdekje me thikë. Mediat italiane shkruajnë se ka ndodhur një sherr mes një grupi shqiptarësh dhe një grupi tjetër ku bënte pjesë viktima. Ngjarja ka ndodhur rreth orës 23:30 në Via Mazzini, Taverna Wolf në Teramo. Viktima është një rom 22-vjeçar, Manuel Spinelli (personi në foto). Sipas dëshmitarëve, shqiptarët zbritën nga makina dhe rrahën grupin e romëve ku në sherr e sipër u vra 22 vjeçari. Vrasja ka ardhur pas një sherri të mëparshëm mes tyre, motivet e të cilit ende nuk dihen. Policia italiane ka arrestuar shqiptarin Farim Koldashi, 24 vjeç, me precendentë penalë në trafikun e drogës. Ai ka mbetur i plagosur në ngjarje dhe po ruhet me polici në spitalin Teramos. Po kështu po punohet për kapjen e shqiptarëve të tjerë të përfshirë në këtë ngjarje. /Opinion.al
