Në kuadër të operacionit “Ndëshkimi i ‘të fortëve”, Policia e Tiranës ka arrestuar tre persona, dy prej të cilëve vëllezër, banues në Tiranë. Nga operacioni janë sekuestruar 17 kallëpe tritol, dy armë zjarri automatikë dhe lëndë e dyshuar narkotike e llojit Cannabis Sativa.
Arrestimi i vëllezërve u bë pasi në Pezë gjatë kontrollit të ushtruar nga shërbimet e Komisariatit të Policisë Nr.5, në mjetin tip “Mercedes Benz” me drejtues shtetasin Kastriot Gazidede dhe pasagjer shtetasin S. G. Të arrestuar janë shtetasit, Kastriot Gazidede, 26 vjeç, banues në Tiranë dhe S. G., 16 vjeç, banues në Tiranë .
Gjithashtu është arrestuar Lulzim Aruci , 45 vjeç, banues në Shtish . Arrestimi i këtij shtetasi u bë pasi gjatë kontrollit të ushtruar në banesën e tij. Kontrolli iu bë nga shërbimet e Komisariatit të Policisë Nr.4. Atij iu gjet dhe sekuestrua në cilësinë e provës materiale një armë zjarri automatik.
Materialet iu referuan Prokurorisë së Rrethit Gjyqësor Tiranë. Në ngarkim të shtetasve të lartpërmendur për veprat penale “Prodhim dhe mbajtja pa leje e armëve, armëve shpërthyese dhe municionit” dhe “Prodhim dhe shitje lëndësh narkotike”.
