Të tjera detaje kanë dalë rreth sherrit për motive të dobëta të ndodhur mes disa personave në Korçë.
Mësohet se personat e përfshirë në konflikt kanë qenë të dehur dhe motivi i sherrit ka qenë bllokimi i rrugës, ku njëri prej tyre është dëgjuar të thotë “pse s’më hap rrugën” në dalje të lokalit.
Më pas janë takuar në një tjetër vend, ku njëri prej tyre nxori armën dhe plagosi 33-vjeçarin.
Sipas Policisë, si pasojë e konfliktit u plagos me armë zjarri një 33-vjeçar dhe u dëmtua me mjete të forta një shtetas tjetër.
Mësohet se personi i plagosur me armë zjarri është shtetasi Igli Hoti, ndërsa shtetasi i dëmtuar me mjete të forta është Artan Qeshori.
Ky i fundit është dërguar me urgjencë drejt spitalit të Traumës në Tiranë për trajtim më të specializuar.
Shërbimet e Policisë kanë shoqëruar në ambientin e Komisariatit dhe po marrin në pyetje, persona të cilët kanë dijeni për ngjarjen.
