Një ngjarje e rëndë ka ndodhur ditën e sotme në Fier, ku pas një konflikti për motive të dobëta janë plagosur me thikë babë e bir.
Mësohet se autor i dyshuar i ngjarjes është Armando Boriçi, i cili ka plagosur me thikë Haxhi dhe Aleks Ballën( babe e bir).
Autori është vënë në pranga nga policia, ndërsa Haxhi dhe Aleks Balla janë transportuar në spital ku ndodhen nën kujdesine mjekëve.
“Pas marrjes së njoftimit se në Qënas, Fier, ka ndodhur një plagosje me thikë, shërbimet e Policisë kanë shkuar menjëherë në vendngjarje.
Falë veprimeve të shpejta e profesionale është bërë i mundur identifikimi, kapja dhe arrestimi i autorit të dyshuar, shtetasit A. B., 39 vjeç, banues në Qënas, i cili pas një konflikti për motive të dobëta, ka goditur me thikë shtetasit H. B., 77 vjeç dhe A. B., 53 vjeç (babë e bir).
Shtetasi A. B., është shoqëruar në Komisariatin e Policisë Fier për veprime të mëtejshme, ndërsa shtetasit H. B. dhe A. B. ndodhen në spitalin rajonal të Fierit nën kujdesin e mjekëve”-njofton policia.
