Dosja italiane e grupit kriminal të Habilajve, pjesë të saj ka edhe katër persona të tjerë, të cilët janë shpallur në kërkim.
Ata janë Nezir Seiti, Florian Habilaj, Sabaudin Çelaj dhe Armando Sulaj.
Dosja e plotë e italianëve është rreth 500 faqe.
Kreu i grupi të trafikut të drogës drejt Italisë ishte Mosi Habilaj, kushëri i ish-ministrit të Brendshëm, Saimir Tahiri.
Ish-ministri i Brendshëm Saimir Tahiri foli për herë të parë ditën e sotme, pasi emri i tij doli në përgjimet e prokurorisë italiane se kishte lidhje me trafikantin shqiptar Moisi Habilaj.
Në një konferencë për mediat, ai deklaroi se nuk ka asnjë përgjegjësi për atë që dy trafikantët thonë, duke i cilësuar deklarata e tyre pallavra.
“Sot është dita e kundërshtarëve të mi të shfrytëzojnë pallavrat e dy kriminelëve që mburren kush ka mbështetje”, u shprehet Tahiri, teksa thekson se “Sado e madhe qoftë gënjeshtra dhe abuzimi, e vërteta është aty. Kam mbajtur detyrën e Ministrit të Brendshëm më gjatë se çdo kush, kam luftuar çdo ditë për të bërë detyrën me përgjegjësi”.
Moisi Habilaj, i arrestuar në Itali
Tahiri ka pranuar lidhjen e largët farefisnore me dy trafikantët, por ka vënë në dukje se ka vetëm përgjegjësi morale për makinën që ka shitur vite më parë, asgjë më tepër. Ai ka kërkuar nga Prokuroria që ta hetojë atë dhe gjithçka rreth tij.
