Të tjera detaje janë zbardhur lidhur me operacionin anti-drogë të zhvilluar sot në Tiranë. Mësohet se autoritetet kanë sekuestruar mbi 1 kg kokainë, teksa ka shoqëruar disa persona.
Sipas informacioneve, personat e shoqëruar janë Erjon Prengaj dhe Altin Gega (Coku) të cilët ishin brenda në automjetin tip “Volvo” si dhe shtetasi Gentjan Kore i cili është konstatuar në lulishten afër automjetit tip “Volvo”. Një tjetër i shoqëruar është shtetasi Taulant Çoku, i cili ka qenë në këmbë, në trotuar pranë automjetit tip “Volvo”.
Bëhet me dije se pranë personave të shoqëruar ka qenë dhe një tjetër person, i cili është larguar me vrap duke mbajtur në dorë kuti picash.
Pas kontrolleve, policia gjeti poshtë një automjeti dy kutitë e picave ku në njërën prej tyre është konstatuar lëndë narkotike kokainë.
Po kështu gjatë zhvillimit të operacionit policia ka tentuar të ndalojë një mjet “Benz” të dyshimte, por drejtuesi nuk i është bindur urdhrit për të ndaluar dhe ka rrezikuar jetën e punonjësve të policisë duke ikur me shpejtësi. Ai u ndalua pas Shkollës së Bashkuar nga ana e policisë./Opinion.al
